Paul Allen eigandi Portland Trail Blazers og Seattle Seahawks vill kaupa Chelsea. Þetta fullyrða ensk blöð í dag.

Allen er vel efnaður maður en hann var einn af stofenendum Microsoft.

Sagt er að Allen hafi fundað með góðum vini Roman Abramovich, eiganda Chelsea á dögunum.

Abramovich vill selja Chelsea þar sem hann er í vandræðum með landvistarleyfi á Englandi.

Rússinn hefur dælt fjármunum í Chelsea og vill 3 milljarða punda fyrir félagið.

Allen þekkir rekstur íþróttaliða og hefur áhuga á að prufa sig í stærstu íþróttagrein í heimi.

Hann er Íslandsvinur en hann kom til landsins á Octupus snekkju sinni á dögunum.