Jose Mourinho, stjóri Manchester United, segir að sínir menn hafi átt skilið meira í kvöld eftir 3-0 tap gegn Tottenham.
Mourinho vill meina að sínir menn hafi átt að vera yfir í leikhléi en fyrsta mark leiksins s skoraði Harry Kane snemma í síðari hálfleik.
Mourinho nýtti einnig tímann og þakkaði stuðningsmönnum United fyrir hvernig þeir brugðust við tapinu.
,,Við lögðum hart á okkur í vikunni. Við vorum vel undirbúnir og gerðum vel á æfingum. Viðhorf leikmannana var frábært,“ sagði Mourinho.
,,Í hálfleik þá átti staðan að vera 2-0, 2-1 eða 3-0 en svo breyttist eitthvað og staðan var 3-0 fyrir Tottenham.“
,,Allir gátu fundið það að eitt mark myndi breyta leiknum. Þriðja markið drap svo alla von fyrir okkur.“
,,Taktíklega séð þá töpuðum við ekki en við töpuðum leiknum. Stuðningsmennirnir okkar lesa ekki blöðin eða horfa á sjónvarpið. Okkar stuðningsmenn eru gáfaðri en það. Þeir svöruðu á magnaðan hátt.“
,,Ég held að það sé ekkert eðlilegt við það að tapa leik á heimavelli og sjá stuðningsmennina bregðast við eins og þeir gerðu.“
