Mohamed Salah gerði allt vitlaust á Englandi á síðustu leiktíð eftir að hafa skrifað undir hjá Liverpool.

Salah er að reyna fyrir sér á Englandi í annað sinn en hann var á mála hjá Chelsea á sínum tíma þar sem lítið gekk upp.

Mido, fyrrum leikmaður Tottenham og landi Salah, hefur nú útskýrt af hverju honum gekk illa á Stamford Bridge.

,,Hann kom mér á óvart á fyrstu leiktíðinni hjá Liverpool. Ég var ekki viss um hvort hann myndi gera vel á Englandi,“ sagði Mido.

,,Ég sá hann hjá Chelsea og það er rétt, það var of snemmt fyrir hann að taka það skref. Hann fékk þó ekki tækifærin til að sanna sig en hann var ekki það góður hjá Chelsea.“

,,Þegar hann kom til Liverpool hafði ég smá áhyggjur því enska úrvalsdeildin er ekki auðveld.“