Jose Mourinho, stjóri Manchester United, segir að Alexis Sanchez hafi ekki átt að taka vítaspyrnu liðsins í gær gegn Leicester City.

Sanchez ætlaði að fá að taka spyrnu United í 2-1 sigri en Paul Pogba kom í veg fyrir það og tók af honum boltann eftir stutt samtal.

Pogba er vítaskytta númer eitt hjá United samkvæmt Mourinho og treystir hann sínum manni fullkomlega.

,,Hugmyndin var að hann er góð vítaskytta og hann elskar ábyrgðina og er númer eitt,“ sagði Mourinho.

,,Á vellinum þá erum við auðvitað með mann númer tvö og þrjú ef sjálfstraustið er ekki í lagi eða eitthvað álíka. Hann var tilbúinn.“

,,Hann æfði auðvitað mikið af vítaspyrnum á HM í Rússlandi því þar æfa þeir sig mikið í því.“