Varnarmaðurinn Calum Chambers hefur skrifað undir samning við lið Fulham í ensku úrvalsdeildinni.
Þetta staðfesti félagið í kvöld en Chambers gerir eins árs langan lánssamning við Fulham.
Chambers er 23 ára gamall varnarmaður en hann er samningsbundinn Arsenal og hefur verið undanfarin fjögur ár.
Chambers kom aðeins 19 ára gamall til Arsenal frá Southampton en hefur ekki náð að festa sig í sessi.
Chambers var hjá Arsenal á síðustu leiktíð en hann kom aðeins við sögu í 12 deildarleikjum.
