Olivier Giroud, framherji Frakklands, mætir samherja sínum, Thibaut Courtois á þriðjudag er Frakkland mætir Belgíu í undanúrslitum HM.

Giroud þekkir það vel að spila með Courtois en er þó á því máli að Hugo Lloris, markvörður Frakklands og Tottenham, sé betri.

,,Þeir eiga eitt sameiginlegt og það er hægri fóturinn. Þeir nota hann ekki mikið!“ sagði Giroud.

,,Thibaut er með langar hendur og það er erfitt að skora á hann. Hann getur stöðvað allar fyrirgjafir sem koma inn í teiginn.“

,,Ég hef skorað nokkur mörk á hann á æfingum með Chelsea og vonandi get ég gert það sama á þriðjudag.“

,,Þeir eru báðir frábærir markverðir og eiga skilið að vera valdir bestir á mótinu, jafnvel þó ég velji frekar Hugo.“

,,Hugo er sá besti, fyrirgefðu Thibaut.“