Steven Gerrard, fyrrum fyrirliði Liverpool segir að það séu þrjú lið í ensku úrvalsdeildinni sem beri af þegar kemur að skemmtanagildi.

Manchester City er svo gott sem búið að tryggja sér enska úrvalsdeildartitilinn en liðið hefur 16 stiga forskot á toppi deildarinnar þegar níu umferðir eru eftir.

Manchester United er í öðru sæti deildarinnar með 65 stig en liðið hefur ekki spilað skemmtilegustu knattspyrnuna á þessari leiktíð.

„Skemmtilegustu liðin í dag í deildinni eru Liverpool og Manchester City,“ sagði Gerrard.

„Þetta eru þau lið sem sækja mest. Tottenham er þarna líka, þeir vilja sækja og pressa hátt á vellinum.“

„Stjórar þessara liða eru líka mjög duglegir að hrósa hvor öðrum sem sýnir bara að þeir bera mikla virðingu fyrir starfi hvors annars,“ sagði Gerrard að lokum.