Mohamed Salah, sóknarmaður Liverpool er ekki á óskalista Real Madrid í sumar en það er Liverpool Echo sem greinir frá þessu.

Salah hefur verið magnaður á þessari leiktíð og hefur nú skorað 36 mörk fyrir Liverpool í öllum keppnum.

Þá er hann markahæsti leikmaður ensku úrvalsdeildarinnar með 28 mörk þegar níu leikir eru eftir af tímabilinu.

Salah hefur verið sterklega orðaður við bæði Real Madrid og Barcelona að undanförnu en Echo greini frá því að Real ætli sér að reyna við þá Eden Hazard og Robert Lewandowski í sumar.

Lewandowski vill yfirgefa Bayern Munich og reyna fyrir sér annarsstaðar og þá hefur Hazard ekki viljað framlengja samning sinn við Chelsea.