Miguel Britos, varnarmaður Watford var í byrjunarliði Watford um helgina sem tapaði illa fyrir Liverpool í ensku úrvalsdeildinni, 0-5.

Britos spilaði vinstra megin í vörninni og þurfti oft að kljást við Mohamed Salah, sóknarmann Liverpool í leiknum.

Salah fór afar illa með hann um helgina og skoraði fernu í leiknum og Britos vill gleyma leiknum sem allra allra fyrst.

„Þetta var erfiður leikur fyrir mig. Ég var að koma til baka eftir meiðsli og það er erfitt að tapa svona stórt,“ sagði leikmaðurinn.

„Ég gerði mörg mistök og ég vil gleyma þessum leik sem allra allra fyrst. Salah er frábær leikmaður. Hann er mjög snöggur, hann spilaði mín megin í leiknum og mér gekk illa að ráða við hann.“

„Ég þurfti að hlaupa mikið með honum sem var mjög erfitt því hann er miklu sneggri en ég,“ sagði Britos að lokum.