Ósvikin gleði braust út eftir sigurinn gegn Englandi
Það ríkti sannkölluð þjóðhátíðarstemning í miðborg Reykjavíkur eftir að flautað var til leiksloka í leik Íslands og Englands í 16-liða úrslitum Evrópumótsins. Nokkur þúsund manns komu saman á Arnarhóli til að horfa á leikinn og braust út ósvikin gleði þegar flautað var til leiksloka og ljóst var að Ísland væri komið í 8-liða úrslit keppninnar.
Sigtryggur Ari Jóhannsson, ljósmyndari DV, tók myndir af gleðinni í kvöld. Ljóst er að þetta kvöld mun seint renna Íslendingum úr minni.
