Skömmu fyrir miðnætti sáu lögreglumenn bifreið við bensínstöð í Breiðholti og var hún með röng skráningarmerki. Ökumaður og farþegi náðu að hlaupa á brott þegar lögreglan kom. Númerin voru tekin af bifreiðinni.

Á níunda tímanum í gærkvöldi var tilkynnt um umferðaróhapp í Breiðholti. Ung kona er talin hafa valdið tjóni þar en hún er grunuð um að hafa verið undir áhrifum fíkniefna. Auk þess hefur hún aldrei öðlast ökuréttindi en hefur ekki látið það hamla sér í að aka og það ítrekað. Hún var vistuð í fangageymslu.

Tveir ökumenn voru handteknir í gærkvöldi og nótt grunaðir um ölvun við akstur. Einn ökumaður var handtekinn í nótt grunaður um akstur undir áhrifum fíkniefna.