fbpx
Fimmtudagur 24.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Fréttir

Brynjar kemur Guðmundi Bakþankahöfundi til varnar: „Nú þarf sjálfsagt að reka manninn og útskúfa í nafni rétthugsunar“

Ágúst Borgþór Sverrisson
Þriðjudaginn 21. ágúst 2018 11:36

Brynjar Níelsson

Brynjar Níelsson, þingmaður Sjálfstæðisflokksins, segir að Guðmundur Brynjólfsson, pistlahöfundur á Fréttablaðinu, sé að verða fyrir árásum af hendi rétthugsunarliðs sem hafi glatað kímnigáfunni. Skrautlega orðaðir Bakþankar Guðmundar um Reykjavíkurmaraþonið, aftan á Fréttablaðinu í gær, vöktu athygli og margir fordæmdu þá. Var Guðmundur meðal annars sakaður um fitusmánun og kvenfyrirlitningu.

Guðmundur er þekktur skáldsagnahöfundur sem býr á Eyrarbakka. Hann er auk þess menntaður guðfræðingur og starfar sem djákni. Meðal skrautlegra lýsinga Guðmundar í pistlinum voru eftirfarandi:

„Ég leit aðeins til Reykjavíkur í fyrradag, rétt um miðjan daginn, þegar síðustu svínfeitu kerlingarnar voru að renna sér fótskriðu, í eigin lýsi, í mark í einhverri hlaupavegalengd sem var þeim ofviða. Lærin á þeim eins og ormétin fírkantstré, dragandi rass og keppi. Álengdar, hvetjandi, stóðu stútungs karlar í andnauð, pungsveittir með blóðrisa geirvörtur, þrútnir af áreynslu með síma á lofti að mynda sjálfa sig með þátttökupening um háls og skúturnar sínar sem stundu sig yfir marklínuna. Til léttis því fólki sem hafði snemma í vor, líklega í ölæði, tekið að sér að snara peningum yfir hálsinn á hlaupadýrunum.“

Meðal þeirra sem gagnrýndu skrifin voru Tara Margrét Vilhjálmsdóttir, formaður Samtaka um líkamsvirðingu. Hún spurði hvort ekki væri allt í lagi með Guðmund og skrifaði: Á þetta að vera fyndið? Eða tilraun höfundar til að sýna hvað hann kann mörg flott íslensk orð og er góður í myndlíkingum, á kostnað feitra?“

Brynjar Níelsson skrifar eftirfarandi færslu um málið:

 

Bakþankahöfundur á Fréttblaðinu notaði ýmis skemmtileg blæbrigði tungunnar til að lýsa dugnaðarfólki í allskonar ástandi sem leggur á sig löng hlaup til stuðnings góðu málefni. Þeir sem ekki sjá fegurðina í því hversu ólík við erum í laginu og alls ekki mikilvægi kímnigáfunnar risu auðvitað upp á afturfæturna. Nú þarf sjálfsagt að reka manninn og útskúfa í nafni rétthugsunar.

Las viðtal í blaði við unga konu úr lista og menningarheiminum sem hafði áhyggjur af því að rétthugsun væri að drepa alla kímnigáfu og skopskyn. Þegar fólk af vinstri vængnum hefur orðið áhyggjur af því er örugglega rétt að staldra við.

Bráðum verður það þannig að eingöngu ellilífeyrisþegar, eins og Baldur Hermannsson, þori að slá á létta strengi og bjóða rétthugsuninni birginn. Enginn rekur þá. Nú er bara að vona að Baldur lifi sem lengst svo maður nenni að opna fésbókina öðru hvoru.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sjáðu magnað myndband Rúnars af bíræfnum bílaþjóf gómuðum af lögreglu

Sjáðu magnað myndband Rúnars af bíræfnum bílaþjóf gómuðum af lögreglu
Fréttir
Í gær

Sindri ákærður fyrir manndrápstilraun – Stakk Elmar margoft

Sindri ákærður fyrir manndrápstilraun – Stakk Elmar margoft
Fréttir
Fyrir 2 dögum

Hefur þú séð þennan bíl? Lögreglan leitar að honum

Hefur þú séð þennan bíl? Lögreglan leitar að honum
Fréttir
Fyrir 2 dögum

Mynd dagsins: Keyrði fram hjá Háteigsskóla – „Þetta var einhver að flýta sér“

Mynd dagsins: Keyrði fram hjá Háteigsskóla – „Þetta var einhver að flýta sér“
Fyrir 3 dögum

Réttarkerfið kostaði Stacey lífið

Réttarkerfið kostaði Stacey lífið
Fréttir
Fyrir 3 dögum

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“
Fréttir
Fyrir 3 dögum

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“
Fréttir
Fyrir 3 dögum

„Ég sakna þess ofboðslega mikið að fá ekki að tala við mömmu“

„Ég sakna þess ofboðslega mikið að fá ekki að tala við mömmu“