Hesturinn Réttlæti sem áður hét Skuggi hefur lögsótt fyrrverandi eiganda sinn vegna vanrækslu sem hann varð fyrir. Hesturinn fór í skoðun hjá dýralækni á síðasta ári þar sem í ljós kom að hann hafi misst heil 140 kíló. Hesturinn var allur í lús. Þá var getnaðarlimur Réttlætis svo frostbitinn að mögulega þarf skepnan að leggjast undir hnífinn og fjarlægja liminn. Málið verður tekið fyrir í dómsal í Oregon í Bandaríkjunum og krefst hesturinn 11 milljóna króna í skaða og miskabætur. Þessi furðufrétt er birti í hinum virta miðli Washington Post.
Fyrrverandi eigandi hestsins skildi skepnuna eftir úti á víðavangi síðasta sumar þar sem lítið æti var að fá og Réttlæti missti næstum getðnarlim sinn. Eigandinn hefur játað brot sín fyrir rétti en það gerði hann þegar hann var sóttur til saka vegna brota á lögum um dýravernd.
Hesturinn hefur að sjálfsögðu enga hugmynd um kæruna, en markmið lögsóknarinnar er að sjá hvort dýr hafi sömu réttindi og manneskjur í dómsölum í Bandaríkjunum og er allur kostnaður við lögsóknina greiddur af dýraverndunarsamtökum. Samkvæmt lögmanni hestsins, Sarha Hanneken, segir við Washington Post að þeir sem verði fyrir ofbeldi geti ekki oft sagt frá ofbeldinu sjálfir og verði því aðrir að gera það. Margir lagaspekingar í Bandaríkjunum telja hins vegar að hesturinn fái engar bætur og segja að þessi lögsókn sé eingöngu til að vekja athygli á dýravelferð.