Maður með sáraristilsbólgu kúkaði á sig í verslun Krónunnar í vikunni eftir að starfsfólk verslunarinnar neitaði honum um að nota klósettið í versluninni. Maðurinn, sem vill skiljanlega ekki láta nafns síns getið, segir í samtali við Fréttablaðið að atvikið hafi verið mjög niðurlægjandi: „Þetta var eins niðurlægjandi og það getur orðið. Þegar svona gerist verður maður alveg pínulítill,“ segir maðurinn.

Óvæntar og tíðar salernisferðir eru meðal einkenna sjúkdómsins. Maðurinn kallar eftir því að fólk sem glími við slíka kvilla fái skírteini hjá stjórnvöldum til að fá að fara á forgang á salerni hvar sem er. Slík skírteini séu þegar í notkun í Bretlandi.