Eldur kviknaði í íbúð í Gullsmára 7 í Kópavogi í kvöld. Allt tiltækt slökkvilið var kallað út.
Búið er að slökkva eldinn nú, en íbúðin er á sjöttu hæð. Mikill reykur kom úr íbúðinni og yfirgáfu íbúar blokkina. Reykkafarar fóru inn í húsið til að slökkva eldinn.
Ekki er vitað hvort einhverjir voru í íbúðunum fyrir ofan, en slökkviliðið gengur alltaf út frá því að svo sé.
Uppfært- 23.00
Tveir voru fluttir á slysadeild.
Eldurinn kviknaði í yfirbyggðum svölum.
Óskað var eftir aðstoð Rauða krossins vegna íbúa sem kynnu að þurfa á húsnæði eða aðstoð að halda.