Fréttablaðið skýrir frá þessu í dag. Prime Tours var einn af undirverktökum Strætó og sá um ferðaþjónustu fatlaðra. Fyrirtækið var úrskurðað gjaldþrota í október og skipastjóri settu yfir búið. Í gær tilkynnti Strætó að stjórn félagsins hefði samþykkt beiðni skiptastjóra um framsal á rammasamningi Prime Tours til Far-vel sem hefur gert tilboð í bílaflota þrotabúsins og boðið starfsfólki áframhaldandi starf.
Fram kom að stjórn Strætó líti svo á að Far-vel fullnægi öllum hæfisskilyrðum rammasamningsins og því hafi erindi skiptastjórans verið samþykkt.
Fréttablaðið hefur eftir Hjörleifi að hér sé ekki um kennitöluflakk að ræða. Þá skilgreiningu hafi hann fengið frá skiptastjóra og fleiri lögfróðum. Honum hafi verið sagt að hann gæti verið með góða samvisku því hér væri ekki um kennitöluflakk að ræða. Hann sagðist koma með tvo nýja aðila með sér inn í Far-vel, fjármagn hafi verið tryggt sem og þjónustan. Hann sagði að tugir milljóna fari inn í þrotabú Prime Tours úr vösum eigenda Far-vel.