Fréttir

Er þetta lukkustaður Reykvíkinga? Tveir stórir vinningar á tæpum þremur vikum

Ritstjórn DV
Þriðjudaginn 6. nóvember 2018 14:04

Heppinn miðahafi var einn með fimmfaldan al-íslenskan 3. vinning í Víkingalottóinu síðasta miðvikudag. Maðurinn hélt í fyrstu að hann væri með 5 tölur réttar og vinning upp á rúmlega 155 þúsund krónur. Honum brá því nokkuð í brún eftir að hafa látið renna vinningsmiðanum í gegnum sölukassa og í ljós komu 5 réttar aðaltölur ásamt Víkingatölu og vinningur að upphæð rúmlega 9,1 milljón króna.

Þetta kemur fram í tilkynningu frá getspá. Þar segir einnig að vinningsmiðinn hafi verið keyptur í Olís við Ánanaust í Reykjavík sem virðist vera sannkallaður lukkustaður. „Er þetta í annað sinn á tæplega þremur vikum sem stór vinningur kemur upp á miða seldum þar. Síðast var það vinningur uppá 19,3 milljónir króna í Lottó,“ segir í tilkynningunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af