Rimantas Rimkus, sem lýst var eftir í júní, fannst látinn á höfuðborgarsvæðinu í lok síðasta mánaðar. Rimantas, sem var 38 ára og frá Litháen, lætur eftir sig tvö börn. Ekki er talið að andlátið hafi borið að með saknæmum hætti.
Í frétt DV frá 20. júní kom fram að Rimantas Rimkus hafði verið týndur frá því í maí en lögreglu fékk tilkynningu um að hans væri saknað um miðjan júní. Í tilkynningu frá lögreglu segir enn fremur:
„Lögreglan á höfuðborgarsvæðinu vill þakka öllum þeim sem veittu aðstoð við leitina að Rimantas.“