Það óhapp átti sér stað í Reykjanesbæ í gærdag að þrettán ára piltur gekk í veg fyrir strætisvagn við strætóskýli með þeim afleiðingum að hjól vagnsins fór yfir fót hans.
Þetta kemur fram í tilkynningu frá lögreglunni á Suðurnesjum. Fram kemur að vagninn var að nema staðar þegar atvikið átti sér stað.
Talsverðir áverkar voru á fæti piltsins og var hann fluttur með sjúkrabifreið undir læknis hendur til aðhlynningar.