Um klukkan 6.30 í gærmorgun reyndi karlmaður að nauðga níu ára stúlku í garði í Örebro í Svíþjóð. Mörg vitni voru að atburðinum að sögn lögreglunnar. Eitt þeirra, Anette Idestål, var á leið til vinnu þegar hún heyrði öskur úr garðinum. Síðan var þögn en skömmu síðar var aftur öskrað. Anette fór þá inn í garðinn til að kanna málið.
Þegar hún kom inn í garðinn sáu hún karlmann halda manneskju niðri á jörðinni en sá ekki hvort það var barn eða fullorðinn.
„Ég horfði í augu hans.“
Sagði hún í samtali við Aftonbladet og bætti við að maðurinn hefði sleppt stúlkunni þegar hann sá Anette og hafi látið sig hverfa á brott. Stúlkan hafi einnig ætlað að yfirgefa garðinn en Anette stoppaði hana og huggaði hana.
„Hún var hrædd, brugðið og leið.“
Sagði hún við Aftonbladet og sagði að það væri auðvitað ekki spurning um að grípa inn í atburð sem þennan, annað væri ekki hægt. Hún hringdi í lögregluna og skömmu síðar komu lögreglu- og sjúkraflutningsmenn á vettvang.
Talsmaður lögreglunnar í Örebro sagði að mörg vitni hafi verið að nauðgunartilrauninni og að lögreglan rannsaki málið sem slíkt.