Fréttir

130 þúsund krónum fátækari

Tekinn á 147 kílómetra hraða þar sem hámarkshraði er 90 kílómetrar

Einar Þór Sigurðsson
Föstudaginn 19. maí 2017 10:04

Allmargir ökumenn voru kærðir fyrir of hraðan akstur í umdæmi lögreglunnar á Suðurnesjum í vikunni. Í dagbók lögreglu kemur fram að sá sem hraðast ók hafi mælst á 147 kílómetra hraða þar sem hámarkshraði er 90 kílómetrar á klukkustund.

Brotið er honum dýrkeypt því hans bíður 130.000 króna sekt, svipting ökuleyfis í einn mánuð og þrír refsipunktar í ökuferilsskrá.

Þá voru nokkrir ökumenn staðnir að því að virða ekki gangbrautarrétt, tala í síma án handfrjáls búnaðar eða aka án þess að spenna öryggisbelti. Einn ók sviptur ökuréttindum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af