Framkvæmdir við byggingu 112 stúdentaíbúða munu hefjast í haust ef áætlanir ganga eftir. Um er að ræða íbúðir við Háskólagarða Háskólans í Reykjavík og er stefnt að því að íbúðirnar verði tilbúnar sumarið 2019. Þetta kemur fram í tilkynningu sem Reykjavíkurborg sendi frá sér á fimmtudag. Dagur B. Eggertsson borgarstjóri og Ari Kristinn Jónsson, rektor HR, hafa skrifað undir samkomulag hvað þetta varðar.
Í nýju deiliskipulagi á lóð HR við Öskjuhlíð er nú gert ráð fyrir byggingu 390 íbúða í stað 350 áður. Íbúðunum er ætlað að bæta úr brýnni þörf nemenda HR á íbúðarhúsnæði.