Samninganefndir Icelandair og flugvirkja sitja nú á samningafundi og reyna til þrautar að ná samkomulagi en að óbreyttu brestur verkfall flugvirkja á klukkan sex í fyrramálið. Sjö klukkustunda langur samningarfundur aðilanna í gær reyndist árangurslaus.
Halldór Benjamín Þorbergsson, framkvæmdastjóri Samtaka atvinnulífsins, hefur lýst því yfir að kröfur flugvirkja séu fullkomlega óraunhæfar. Hann segir í viðtali við mbl.is að aðilar verði að ná saman til að afstýra verkfalli. „Ábyrgð aðila er mikil, líka flugvirkjafélagsins,“ segir Halldór og einnig: „Þetta verður að nást. Nema við ætlum að setja allt úr skorðum í aðdraganda jóla.“
Sigurður Ingi Jóhannsson samgönguráðherra sagði í viðtali í þættinum Víglínan á Stöð 2 í dag að ekki væru áform hjá ríkisstjórninni um að setja lög verkfall flugvirkja. Vísir.is greindi frá.
