Ákveðið hefur verið að innkalla kjúklingastrimla frá Matfugli sem eru með best fyrir dagsetninguna 3. september. Listeríugerlar fundust í pakkningu af strimlunum.
Í tilkynningu kemur fram að við reglubundið innra eftirlit Matfugls ehf greindist mengun af völdum Listeria Monocytogenes í pakkningu af Matfugls kjúklingastrimlum.
Fyrirtækið hefur því ákveðið að Innkalla vöruna í varúðarskyni. Innköllunin nær eingöngu til pakkninga með lotunúmerinu 3101126331 með best fyrir dagsetninguna 03.09.2016.
Þá kemur jafnframt fram í tilkynningunni að neytendum sem keypt hafa vöruna er bent á að skila henni til fyrirtækisins eða í viðkomandi verslun. Beðist er velvirðingar á óþægindum sem innköllunin kann að valda neytendum. Nánari upplýsingar um Listeria monocytogenes má finna á vefsíðu Matvælastofnunar, www.mast.is