Vísitala framleiðsluverðs í maí 2016 var 201,4 stig og hækkaði því um 1 prósentustig frá fyrri mánuði. Vísitala framleiðsluverðs fyrir sjávarafurðir var 262,1 stig, hækkaði um 0,8 prósent frá fyrri mánuði (áhrif á vísitöluna 0,3 prósent) og vísitala fyrir stóriðju var 177,9 stig, hækkaði um 1,7% (0,6 prósent).
Framleiðsluverð fyrir matvæli lækkaði um 0,1 prósent (0,0 prósent) og vísitala fyrir annan iðnað hækkaði um 0,6 prósent (0,1 prósent) á milli mánaða.
Vísitala framleiðsluverðs fyrir vörur sem seldar voru innanlands hækkaði um 0,5 prósent (0,2 prósent) milli mánaða en vísitala fyrir útfluttar afurðir hækkaði um 1,1 prósent (0,8 prósent) í maí.
Miðað við maí 2015 hefur vísitala framleiðsluverðs lækkað um 9,5 prósent og verðvísitala sjávarafurða lækkað um 4,6 prósent. Á sama tíma hefur verð á afurðum stóriðju lækkað um 22,1 prósent en verð á matvælum hækkað um 3,8 prósent.