Nýkominn til landsins úr millilandaflugi
Lögreglan á Suðurnesjum handtók um helgina farþega sem var að koma með flugi til landsins vegna gruns um að hann væri undir áhrifum áfengis þar sem hann var að aka af stað frá langtíma bílastæðinu við Flugstöð Leifs Eiríkssonar.
Maðurinn viðurkenndi að hafa fundið til ölvunaráhrifa við aksturinn og var færður á lögreglustöð þar sem sýnatökur fóru fram. Fyrr í vikunni hafði annar ökumaður verið handtekinn á Ásbrú, einnig grunaður um ölvun við akstur.