„Þetta bjargaði alveg deginum mínum og fleiri mættu taka hann sér til fyrirmyndar.“ Þetta segir Lovísa Ýr Guðmundsdóttir, 27 ára, sem lenti í óvæntu atviki fyrir utan Krónuna í gær.

Lovísa var ásamt sjö mánaða syni sínum nýbúin að versla inn í búðinni. Þegar hún steig út með innkaupakerruna tók Lovísa eftir því að hún komst ekki að bílnum með kerruna. Bæði var mikill klaki og snjór á götunni sem og mikill vindur.

„Það var brjálað veður. Ég varð að hlaupa með strákinn strax inn í bíl.“

Lovísa skyldi kerruna með matnum eftir á gagnstéttinni. Þegar hún var að spenna strákinn í bílstólinn sá hún að ungur maður var búinn að stoppa bílinn sinn og var að labba í áttina að henni með pokana.

„Hann skellti pokanum í skottið og hélt svo bara áfram út í daginn,“ segir Lovísa og bætir við að á þessu augnabliki hafi góðverkið komið sér sérstaklega vel.

„Þvílíkur herramaður. Þetta bjargaði alveg deginum. Það mættu fleiri taka sér þetta til fyrirmyndar. Horfa betur í kring um sig og hugsa betur um náungann. Allavega ætla ég að gera það