Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Þorvaldur Örlygsson þjálfari U19 ára landsliðs karla.

Þorvaldur hefur átt áhugaverðan feril, fyrst sem leikmaður og þjálfari.

Þorvaldur þurfti að stíga til hliðar sem þjálfari KA árið 2005 eftir veikindi í fjölskyldunni.

Þorvaldur fékk þær fréttir að dóttir hans hefði fæðst með nýrnasjúkdóm og þurfti á aðgerð að halda.

Þorvaldur lét fjarlægja eitt nýra úr sér og var því gefið dóttur hans og eru þau bæði heilbrigð í dag.

Hann segir að ákvörðunin hafi verið létt og hrósar því læknafólki sem kom að aðgerðinni.

,,Við fáum þær fréttir að dóttir mín þyrfti að fá nýtt nýra, hún fæddist með nýrnasjúkdóm,“ sagði Þorvaldur.

,,Ég var rétti maðurinn til að gefa henni og ég tjáði klúbbnum að ég gæti líklega ekki klárað tímabilið.“

,,Þeir tóku ákvörðun um að einn ákveðinn leikur yrði minn síðasti leikur þannig ég fór að einbeita mér að öðru.“

,,Það var fjarlægt eitt nýra úr mér og gefið dóttur minni þar sem bæði hennar voru orðin óvirk. Við höfum það bæði fínt í dag.“

,,Ég held að allir geti verið sammála um það að þú þarft ekki að hugsa þig lengi um þegar þú ert beðinn um svoleiðis lagað.“

,,Við vorum með frábært fólk í kringum okkur, okkar nánustu og svo læknafólkið á spítalanum og þeir sem framkvæmdu aðgerðina. Það var frábært að vera í kringum það.“

Meira:
Einn frægasti maður Englands bað Þorvald um að baða sig á sögufrægum slóðum:,,Ég endað með því að sápa á honum bakið“
Markvörðurinn kom Þorvaldi til bjargar í fyrsta leik:,,Óhætt að segja að ég hafi verið lítið nafn“