Breiðablik gerði markalaust jafntefli við Víking Reykjavík í kvöld er liðin áttust við í Pepsi-deild karla.

Blikar hefðu þó með réttu átt að vinna leikinn í kvöld en liðið skoraði mark á 86. mínútu leiksins.

Gísli Eyjólfsson átti þá skot að marki sem fór í slá og niður og fór boltinn inn fyrir marklínuna.

Atvikið var skoðað í Pepsi-mörkunum eftir leikinn og kemur þar í ljós að enginn vafi er á því að boltinn hafi verið inni.

Ágúst Gylfason, þjálfari Blika, var á því máli í viðtali eftir leik að boltinn hafi verið inni og reyndist það rétt.

Mynd af þessu má sjá hér.