Ólafur Kristjánsson þjálfari FH hefur svarað gagnrýni frá Ólafi Páli Snorrasyni þjálfara Fjölnis.
Ólafur Páll gagnrýndi leikstíl FH eftir að hafa tapað fyrir liðinu í Egilshöll á sunnudag.
„Við vorum að reyna að spila fótbolta. Mér finnst svolítið sérstakt að sjá FH liðið spila fótbolta eins og þeir gerðu í dag, það var eiginlega bara ein leið og það var langt. Ég veit ekki hvert planið var, en mér fannst vera mikið um langa bolta,“ sagði Ólafur Páll í viðtali við Stöð 2 eftir leikinn.
Ólafur Kristjánsson vildi lítið svara Óla Palla eftir leik en hefur nú komið með áhugaverða staðreynd. Ekkert lið sendi boltann að meðaltali lengra en Fjölnir.
,,InStat League Report 3 umferð,“ skrifar Ólafur. ,,Fyrsta sem ég kíkti á voru sendingarnar. Hefði tippað á FH „bara með langar“.“
InStat League Report 3 umferð @Pepsideildin Fyrsta sem ég kíkti á voru sendingarnar. Hefði tippað á FH „bara með langar“ #FunFacts @Pepsimorkin #fotboltinet #ViðerumFH pic.twitter.com/nVxHuvha7Q
— OliK (@OKristjans) May 15, 2018
