Arsene Wenger, stjóri Arsenal segir að hann og Sir Alex Ferguson séu góðir vinir í dag.

Það hefur ekki alltaf verið þannig en þeir rifust oft heiftarlega þegar að sá síðarnefndi var stjóri Manchester United.

Arsenal og United voru bestu lið ensku úrvalsdeildarinnar þegar að stjórarnir tveir voru á hátindi ferilsins og andaði oft á tíðum köldu á milli þeirra á hliðarlínunni.

„Þegar að þú ert knattspyrnustjóri þá er ekkert sem er verra eða meira pirrandi en að tapa leikjum,“ sagði Wenger.

„Við rifust oft eins og hundur og köttur á hliðarlínunni en í dag erum við mjög góðir vinir.“

„Ég nýt þess alltaf að hitta hann og þegar að það gerist þá drekkum við iðulega rauðvín saman,“ sagði stjórinn að lokum.