,,Maður er ekkert alveg búinn að slípa liðið 100 prósent, það er alltaf þannig að manni finnst alltaf að það sé eitthvað sem þurfi að gera aðeins meira,“ sagði Ólafur Kristjánsson þjálfari FH í samtali við 433.is.

Nú eru fjórir dagar í FH hefji leik í Pepsi deild karla en liðið hefur leik á laugardag gegn Grindavík á útivelli. Ólafur tók við liðinu síðasta haust og er að smíða nýtt lið.

Miklar breytingar hafa verið á liði FH og er viðbúið að það geti tekið einhverja leiki í upphafi móts til að slípa liðið saman.

,,Ef maður kíkir á það sem eru kallaðir undirliggjandi þættir, sem leiða til úrslita. Úrslitin hafa ekki verið að detta með okkur, spilamennskan hefur verið að lagast. Það voru hlutir sem ég vildi laga, þeir eru komnir í betra horf. Við erum að skapa fleiri færi.“

Ólafur hefur styrkt lið FH talsvert, fleiri hafa komið en farið. Hefur hann lokað hópnum?

,,Leikmannahópar eru þannig að þeim er aldrei fulllokað, það er ekki fyrr en glugginn lokar. Ég var að spjalla við Rúnar Kristinsson áðan og mér skilst að Grétar Guðjohnsen sé að verða samningslaus í haust, við erum að þreifa fyrir okkur með hann.“

Grétar Guðjohnsen er karakter sem er í herferð Pepsi deildarinnar. Rúnar um Grétar Guðjohnsen – Án bolta er hann mjög góður

Viðtalið við Ólaf er í heild hér að neðan.

[youtube https://www.youtube.com/watch?v=1mGHeFHYlWQ&w=560&h=315]