Chelsea 2 – 0 Southampton
1-0 Olivier Giroud (46′)
2-0 Alvaro Morata (82′)
Chelsea og Southampton mættust í undanúrslitum enska FA-bikarsins í dag en leiknum lauk með 2-0 sigri Chelsea.
Leikmenn Chelsea voru miklu sterkari aðilinn í fyrri hálfleik en tókst ekki að skora og staðan því markalaus í leikhléi.
Það var svo Olivier Giroud sem braut ísinn strax í upphafi síðari hálfleiks með frábæru einstaklingsframtaki og staðan því orðin 1-0 fyrir Chelsea.
Alvaro Morata innsiglaði svo sigur Chelsea á 82. mínútu með laglegu skallamarki og lokatölur því 2-0 fyrir bláliða.
Chelsea mætir Manchester United í úrslitum bikarsins þann 19. maí næstkomandi en Southampton er úr leik.
