Arsene Wenger, stjóri Arsenal tilkynnti það í gærdag að hann ætlaði sér að hætta með liðið í sumar.

Wenger hefur stýrt liði Arsenal frá árinu 1996 og hefur unnið ensku úrvalsdeildina í tvígang með liðið.

Gengi liðsins hefur hins vegar verið undir væntingum, undanfarin ár og situr liðið sem stendur í sjötta sæti deildarinnar með 54 stig.

Arsenal mun því ekki spila í Meistaradeildinni á næstu leiktíð, annað árið í röð en enskir fjölmiðlar greina frá því í dag að Wenger hafi í raun verið rekinn frá félaginu.

Hann var ekki tilbúinn að stíga sjálfviljugur til hliðar og þarf Arsenal að borga honum 11 milljónir punda til þess að losna við hann.

Eins og áður sagði eru það enskir fjölmiðlar sem greina frá þessu í dag en Wenger hefur sjálfur gefið það út að hann sé ekki hættur í þjálfun.