Brynjar Níelsson, alþingismaður gagnrýnir þætti á RÚV sem sýna sögu Heimsmeistaramótsins í fótbolta.
RÚV hefur sýnt þættina síðustu vikur en þar er farið yfir söguna á þessu stærsta íþróttamóti í heimi.
HM hefst í Rússlandi þann 14. júní, Ísland hefur svo leik 16. júní þegar liðið mætir Argentinu.
,,Vinir mínir á RUV hafa undanfarnar vikur sýnt afar undarlega þætti um sögu HM í fótbolta. Löngum stundum er sýnd nærmynd af fótum leikmanna í einkennilegri þögn,“ skrifar Brynjar á Facebook síðu sinni.
,,Það er ekki heill þráður og maður er engu nær um fyrirkomulag keppninnar fyrr en allt í einu einhver lið eru komin í undanúrslit og svo úrslit.“
Brynjar segir svo að leikmenn hafi verið heppnir að sleppa lifandi úr mótunum í gamla daga.
,,Merkilegast finnst mér þó að einhverjir leikmenn skyldu koma óskaddaðir úr HM 1978 og 1982. Svona var fótboltinn áður en hann var kellingavæddur myndi kannski Óli Þórðar segja,“
