Beitar Jerusalem tók á móti Maccabi Tel Aviv í ísralesku úrslitakeppninni í kvöld en leiknum lauk með 3-2 sigri heimamanna.
Það voru þeir Claudemir, Hen Ezra og Jakub Sylvestr sem skoruðu mörk Beitar í kvöld en staðan að loknum fyrri hálfleik var 2-1 fyrir Beitar.
Omer Atzili og Viðar Örn Kjartansson voru á skotskónum fyrir Maccabi Tel Aviv en Íslendingurinn minnkaði muninn fyrir gestina í stöðunni 3-1.
Lokatölur hins vegar 3-2 fyrir Beitar Jerusalem en lítið hefur gengið hjá Tel Aviv síðan úrslitakeppnin hófst og virðist liðið vera búið að missa af meistaratitlinum þetta árið.
Tel Aviv er nú í fjórða sæti úrslitakeppninnar með 55 stig og er tveimur stigum á eftir Hapoel Haifa sem er í þriðja sætinu sem gefur Evrópusæti.
Myndband af marki Viðars má sjá hér fyrir neðan.
