Mynd af Christian Eriksen þar sem hann er með meðvitund hefur nú verið birt. Þetta eru jákvæð tíðindi en leikmaðurinn féll til jarðar í leik gegn Finnlandi í dag.

Það var lítið um að vera þegar Eriksen féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.

Á myndinni, sem má sjá hér fyrir neðan, má sjá að Eriksen er með meðvitund. Leikmaðurinn hefur verið fluttur á sjúkrahús og er í stöðugu ástandi.