Michael Owen, fyrrum leikmaður Liverpool, telur að liðið sé enn með besta lið Evrópu þrátt fyrir að vera úr leik í Meistaradeildinni.
Liverpool tapaði 3-2 gegn Atletico Madrid í gær í framlengdum leik og er úr leik samanlagt 4-2.
,,Liverpool er úr leik en það er engin spurning að öll önnur lið í Evrópu geta andað léttar núna,“ sagði Owen.
,,Liverpool er úr leik en ég efast ekki um að þeir séu með besta lið Evrópu. Já þeir duttu úr leik í tveimur viðureignum en þeir eru enn besta lið Evrópu og voru stórkostlegir í 90 mínútur í kvöld.“
,,Munurinn á liðunum var örugglega markvörðurinn.“
