Lax við lax skreið upp Breiðuna í dag, allt 4 til 6 punda laxar. Einn allavega 12-13 pund sem var að koma á flóðinu. Þetta var um 20-30 laxa torfa og laxinn er fyrir löngu kominn í Elliðaárnar.
Líklega eru gengnir um 150-200 laxar í ána og í gærkveldi var áhugamaður staddur við ána og sá víst annað eins af fiski skríða upp.
,,Það var fullt af fiski að koma,“ sagði hann við blaðamann. Í Fossinum voru laxar og ofar í ánni eru komnir fleiri, byrjunin gæti orðið verulega góð því fiskurinn er fyrir löngu mættur og í miklum mæli.
Borgarstjórinn Dagur B Eggertsson opnar árnar á fimmtudaginn ásamt Reykvíking ársins og fleira liði. Sjón verður sögu ríkari.
Mynd. Dagur B. Eggertsson opnar árnar á fimmtudaginn ásamt Reykvíkingi ársins. Mynd Odd Stenersen
