Erin Strotman, 27 ára gamall hjúkrunarfræðingur á fæðingardeild sjúkrahúss í Henrico-sýslu í Virginia, BNA, hefur verið sakfelld fyrir ofbeldi gegn níu ungabörnum og dæmd í þriggja ára fangelsi.

Erin gerði dómsátt við ákæruvaldið, játaði sök samkvæmt ákæru og situr inni í þrjú ár. Hámarksrefsing við brotum hennar er 45 ára fangelsi en ákæruvaldið féll frá því að gera þá kröfu vegna skorts á efni úr eftirlitsmyndavélum á sjúkrahúsinu og slakri skýrslugjöf þar.

Brotin voru framin á árunum 2022 til 2024 en börnin voru með brákuð bein eftir meðferð hjúkrunarfræðingsins. Hún neitar því að hafa ætlað að meiða börnin en segir að áverkarnir hafi komið til þegar hún beitti ákveðinn tækni við losa um loft í börnunum.

Innifalið í dómsáttinni er að Erin skilar inn starfsleyfi sínu og má aldrei framar starfa innan heilbrigðiskerfisins og má aldrei starfa með börnum.

Móðir eins barnsins sem varð fyrir þessum misþyrmingum var í réttarsal þegar dómur var kveðinn upp yfir Erin. Hún sagði:

„Það var góð tilfinning. Ég veit að það er illkvittið að segja þetta en núna veit ég að sú sem misþyrmdi barninu mínu er á bak við lás og slá og ég er ánægð með það.“

Erin bað fjölskyldur allra barnanna afsökunar og sagði: „Ég biðst innilega afsökunar á þeim skaða sem börnin urðu fyrir af slysni. Ég ætlaði aldrei að meiða börnin ykkar. Lengi taldi ég mig ekki vera ábyrga en í gegnum málaferlin hefur mér orðið ljóst að ég ber þarna ábyrgð og það sækir þungt á mig alla daga.“

Sjá nánar um málið hér.