Upplifir þú stundum að þér líkar bara ekki við maka þinn? Ef svo er, þá er ekkert að óttast því þetta er ósköp eðlilegt að sögn sálfræðingsins Malin Drevstam.

Terrence Real, fjölskylduráðgjafi og rithöfundur, segir að hinn eðlilegi ryþmi ástarsambands sé sátt, ósætti og sátt á nýjan leik. Hann fann upp hugtakið „eðlilegt hjónabands hatur“ en það lýsir tilfinningum eins og fyrirlitningu, reiði og pirringi sem koma oft upp í nánum samböndum að sögn Expressen.

„Það koma stundir þar sem þú lítur á maka þinn og einmitt á þeim tímapunkti, hatar hluti af þér þessa manneskju,“ sagði hann í samtali við Washington Post.