Dómstóll í Hillsborough-sýslu í Florida, Bandaríkjunum, hefur dæmt 33 ára mann til dauða fyrir hryllilegan glæp.

Angel Gabriel Cuz Chos var gefið að sök að hafa myrt Amaliu Coc Choc de Pec, 36 ára, og Estrellu Anastasia Pec Coc, 4 ára dóttur hennar, þann 24. apríl árið 2024.

Ákærði og brotaþoli eru frá Guatemala en bjuggu í Florida.

Samkvæmt vitnisburði réðst Cuz Choc á konuna með skóflu og hnífi en ástæðan var sú að hann reiddist mjög yfir því að hún kom seinna heim en hann hafði vænst.

Lögreglumenn sem komu á vettvang fundu konuna í liggjandi í blóði sínu í bakgarðinum hjá hjólhýsi sem fólkið bjó í. Blóðug handarför voru á hlið hjólhýsisins, sem gáfu til kynna að konan hafi dáið er hún reyndi að flýja.

Barnið, aðeins fjögurra ára, fannst látið í baðkari inni í hjólhýsinu. Hafði hún verið stungin tvisvar í hálsinn og fjórum sinnum í hendurnar. Varnarsár á höndum sýndu að hún hafði reynt að grípa í hnífsblaðið.

Víðtæk leit var gerð að Cuz Choc og fannst hann eftir 18 tíma.

Saksóknari í málinu, Suzy Lopez, sagði við fjölmiðla: „Ekkert getur fært Amalíu og Estrellu aftur til lífsins en við teljum okkur hafa fengið réttlæti fyrir þær og eftirlifandi ættingja í Guatemala.“

Sjá nánar um málið hér.