Þetta kemur fram í portúgalska dagblaðinu Correie da Manha. Þar segir að konan hafi leitað til lögreglunnar 2018 og sagt að bróðir hennar og þýsk eiginkona hans hefðu hugsanlega verið viðriðin hvarf Madeleine en hún hvarf á dularfullan hátt úr sumarleyfisíbúð í Algarve í Portúgal fyrir rúmum 18 árum.
Miðað við frásögn bresku konunnar, þá ók þýska mágkona hennar húsbíl þeirra hjóna kvöldið sem Madeleine hvarf. Var hún undir áhrifum áfengis. Sagði konan að mágkona hennar hefði ekið á Madeleine. Hún hafi fyllst örvæntingu og tekið Madeleine upp í bílinn og ekið á brott. Eru hjónin síðan sögð hafa losað sig við lík hennar.
Þetta sagði konan fyrir sjö árum en Correie de Manha segir að eitt og annað sem hefur gerst síðan þá geti stutt þessa frásögn hennar. Meðal annars var þýska konan á kaffihúsi nærri hótelinu sem McCann-fjölskyldan dvaldi á þegar Madeleine hvarf.
Það vekur einnig athygli að nágranni hjónanna skýrði lögreglunni eitt sinn frá því að hann hefði heyrt manninn hrópa á eiginkonu sína daginn eftir að Madeleine hvarf og hafi hann hrópað: „Af hverju tókstu hana með?“
Nágranninn sagði einnig að hjónin hafi verið áfengissjúklingar.
