Vélin er nærri Raya Nusa Dua Selatan þjóðveginum, ekki fjarri Pandawa ströndinni sem er vinsæll ferðamannastaður.
Sumir heimamenn telja að vélin hafi verið flutt á þennan stað af metnaðarfullum frumkvöðli sem hafi haft í hyggju að opna veitingastað í henni. En það hefur ekki fengist staðfest.
Daily Mail segir að vélin laði fjölda ferðamanna til sín árlega.
Þetta er ekki eina Boeing 737 vélin á eyjunni. Á nokkrum öðrum stöðum eru slíkar vélar og eru sumar þeirra vinsælir ferðamannastaðir. Ein þeirra er við hlið Dunkin Donuts veitingastaðar og hvílir annar vængur hennar á vegg staðarins. Það sama á við um hana og fyrrnefnda vél, enginn veit hvernig hún endaði þarna.
