Brasilísk kona er grunuð um að hafa skorið getnaðarliminn af eiginmanni sínum og að hafa síðan eldað liminn í baunakássu eftir að hafa banað eiginmanninum.

Konan, sem er frá Acrelandia í vesturhluta Brasilíu, er sögð hafa sett hluta af getnaðarlimnum út í kássuna áður en hún borðaði hana. Skömmu áður hafði hún banað eiginmanninum eftir að hún stóð hann að því að horfa á klám.

Maðurinn var 37 ára en lögreglan hefur ekki veitt neinar upplýsingar um eiginkonuna.

Daily Mail segir að lögreglan telji að afbrýðissemi og reiði hafi valdið því að konan greip til þessara óyndisráða.

Lögreglan er sögð hafa fundið lík mannsins, þó án getnaðarlimsins, nærri heimili hjónanna eftir að ættingjar hans tilkynntu um hvarf hans.

Konan er sögð hafa viðurkennt morðið þegar hún var yfirheyrð.

Ekki liggur fyrir hvort fleiri en hún borðuðu baunakássuna með getnaðarlimnum í.