Nú hefur verið birtur listi yfir vinsælustu síður Wikipediu árið 2025 og er skemmst frá því að segja að greinin um áhrifavaldinn Charlie Kirk var sú vinsælasta. The Guardian tók þetta saman og birti á vef sínum.
Eins og kunnugt er var Charlie skotinn til bana í september síðastliðnum, en hann var hægrisinnaður aðgerðasinni og bandamaður Donalds Trump Bandaríkjaforseta.
Alls heimsóttu tæplega 45 milljónir notenda Wikipedia-síðuna sem er tileinkuð Kirk – flestir eftir að hann var skotinn til bana þann 10. september síðastliðinn.
Í 2. sæti á listanum var síða sem er tileinkuð dauðsföllum þekktra eða nafntogaðra einstaklinga árið 2025. Í þriðja sæti var svo síða tileinkuð raðmorðingjanum Ed Gein, en vinsældir hennar skýrast væntanlega af vinsælum Netflix-þáttum um hann sem frumsýndir voru í haust.
