Karl Bretakonungur vonast til að gera þessi jól „sérstök“ þar sem hann býr sig undir þann möguleika að þau verði sín síðustu jól.

„Karl forgangsraðar skyldum sínum, en hann er líka fjölskyldumaður sem veit að tími hans er dýrmætur,“ sagði heimildarmaður við Us Weekly á fimmtudag. „Hann vill sérstök jólí ár  ef þau verða þau síðustu.“

Heimildarmaðurinn sagði við fjölmiðla að konungurinn, sem er 77 ára, ætli að sækja árlega göngu í St. Mary Magdalene kirkjuna á jólamorgun og muni taka upp jólaræðu sína, sem verður sýnd síðar sama dag.

„Ekkert myndi koma í veg fyrir að Karl gerði það,“ sagði heimildarmaðurinn og bætti við að Karl fylgi kenningu hinnar látnu Elísabetar drottningar um að hann verði að vera sýnilegur til að fólk beri traust til hans.

„Hann mun gera allt sem ætlast er til af honum og meira til“.

Nánustu aðstandendur Karls munu hafa áhyggjur af því að heilsa hans sé ekki eins og best verður á kosið þrátt fyrir Karl hafi greint frá því í september um að honum liði ágætlega. Er hann sagður taka einn dag í einu.

Þótt hátíðahöldin í ár kunni að vera með drungalegum blæ, er einnig um fagnaðartíma að ræða í ljósi þess að tengdadóttir Karls, Katrín hertogaynja er krabbameinslaus.

„Þau vilja öll njóta samverunnar sem best. Katrín og Vilhjálmur hlakka til að skapa minningar í því sem þau telja vera heimili sitt til frambúðar,“ en á árinu flutti fjölskylda á nýtt heimili, Forest Lodge í Windsor Great Park. Foreldrar Katrínar, Michael og Carole Middleton, munu verja jólunum hjá fjölskyldunni.