Hún byrjaði snemma að hjálpa föður sínum á veitingastaðnum hans. Fyrstu verkefni hennar voru að fylla á servíettustandana og sjá til þess að alltaf væri nóg af salti, sósum og kryddi á borðunum.
Hún lauk háskólanámi og fékk vinnu hjá Delta Airlines en það blundaði alltaf í henni draumur um að opna lítinn veitingastað og það gerði hún að lokum að sögn Ambito.
Það var ekki auðvelt fyrir hana að sannfæra Mike um að nafnið sem hún hafði í huga væri rétta nafnið fyrir pitsastað. Hann vildi láta hann heita „Pizza Treat“ en hún vildi láta hann heita „Little Caesars“.
Þau náðu samkomulagi um að láta hann heita „Little Caesars Pizza Treat“ en staðurinn varð fyrst almennilega þekktur árið 1979 þegar hann byrjaði að auglýsa tvær pítsur á verði einnar undir slagorðinu „Pizza! Pizza!“.
Viðskiptahugmynd hjónanna gekk út á að vera með einfaldan og aðlaðandi matseðil sem fjölskyldur, sérstaklega barnafjölskyldur, hefðu ráð á. Þetta sló í gegn og úr varð keðjan „Little Cesars Pizza“.
Nú eru um 5.400 Little Caesars veitingastaðir um allan heim.
En það voru ekki bara pítsur sem lögðu grunninn að auðæfum hjónanna því Marian elskaði íshokkí og árið 1982 keyptu hjónin Detroit Red Wings liðið. Það vann fjölda meistaratitla í kjölfarið.
Þau keyptu einnig Fox Theatre í Detroit og gerðu upp og gerðu að höfuðstöðvum Little Caesars. Mike lést 2017 en Maria er enn á líf. Auður hennar er metinn á fjóra milljarða dollara.
