Marcus Drymon, hákarlasérfræðingur við ríkisháskólann í Mississippi, sagði Live Science að það hafi færst í aukana að hákarlar éti fisk, sem fólk hefur veitt, í Mexíkóflóa. Hann sagði að erfitt sé að sýna fram á þetta út frá reynslu en svo virðist vera sem breytingar hafi orðið á hegðun hákarla.
Í umfjöllun National Geographic um málið er meðal annars haft eftir Jasmin Graham, sjávarlíffræðingi, að hákarlar séu fljótir að læra og hafi lært að hljóð í bátsvél þýði mat. Þeir taki því stefnuna á báta og nú séu menn í beinni samkeppni við hákarla um sama fiskinn.
Í sama þætti sagði Anthony Mackie: „Það er eins og við höfum opnað hlaðborð,“ þegar hann ræddi um sífellt fleiri dæmi þess að hákarlar komi nærri bátum til að fá sér að éta.
Sjómenn hafa tilkynnt um breytta hegðun hákarla undan ströndum Suðurríkja Bandaríkjanna og segja að þeir haldi sig nærri bátum þeirra.