fbpx
Sunnudagur 21.júlí 2024
Pressan

Biden ekki af baki dottinn – „Ég átti ekki gott kvöld“

Pressan
Þriðjudaginn 2. júlí 2024 12:30

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Joe Biden Bandaríkjaforseti virðist gefa lítið fyrir slæma frammistöðu sína í kappræðunum gegn Donald Trump á fimmtudaginn, en forsetinn vill meina að honum hafi þetta kvöld tekist að vinna sér inn atkvæði fleiri óákveðinna kjósenda heldur en Trump tókst að gera.

Þetta sagði Biden á laugardaginn á fundi með styrktaraðilum framboðs síns. Mun forsetinn hafa gengist við því að hann hefði mátt standa sig betur en vill þó meina að hann sé enn með meirihluta kjósenda að baki sér.

„Ég átti ekki gott kvöld, en ég mun berjast af meiri krafti,“ sagði Biden á fundi með styrktaraðilum sem fór fram á heimili ríkisstjóra New Jersey, Phil Murphy, um helgina.

„Rannsóknir sem fóru fram á meðan á kappræðunum stóð sýna að okkur tókst að sannfæra fleiri óákveðna kjósendur heldur en Trump tókst að gera og það má að mestu rekja til framferði fyrrverandi forsetans í tengslum við innrásina 6. janúar. Fólk man eftir slæmu hlutunum sem áttu sér stað í forsetatíð hans.“

Biden rær nú lífróður eftir kappræður sem þóttu sterklega gefa til kynna að forsetinn glími við elliglöp. Stærstu miðlar Bandaríkjanna hafa í ritstjórnarefni sínu um helgina kallað eftir því að forsetinn stígi til hliðar og hleypi að frambjóðanda sem betur á sig kominn. Haldi Biden framboði sínu til streitu gæti það landað Trump aftur í embætti með tilheyrandi hörmungum fyrir bandarísku þjóðina.

Þessi þrýstingur kemur þó að utan, en flestir í herbúðum Biden og úr hópi demókrata hafa lýst yfir stuðningi við forsetann og segja hann vel færan um að sitja annað kjörtímabil.

Greiningaraðilar hafa líka komið með þá kenningu að líklega sé Biden sá eini sem geti haft betur gegn Trump. Það sé of seint að skipta um skipstjóra þegar ferðin er hafin.

Fox greinir frá

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“
Pressan
Fyrir 5 dögum

Ökumaður Teslubifreiðar lenti í árekstri og missti stjórn á bílnum í kjölfarið – Sjáðu magnað myndband

Ökumaður Teslubifreiðar lenti í árekstri og missti stjórn á bílnum í kjölfarið – Sjáðu magnað myndband
Pressan
Fyrir 1 viku

600 ára gamall texti líkist vel þekktum texta frá síðari tímum

600 ára gamall texti líkist vel þekktum texta frá síðari tímum
Pressan
Fyrir 1 viku

Er leitinni að Plánetu níu að ljúka?

Er leitinni að Plánetu níu að ljúka?
Pressan
Fyrir 1 viku

Hafa risavaxnir menn einhvern tímann verið til?

Hafa risavaxnir menn einhvern tímann verið til?
Pressan
Fyrir 1 viku

Athyglisverðar myndir prýða 1.600 ára gamlar myntir sem fundust á Ermarsundseyjunum

Athyglisverðar myndir prýða 1.600 ára gamlar myntir sem fundust á Ermarsundseyjunum
Pressan
Fyrir 1 viku

Páfagarður bannfærir erkibiskup sem sagði Frans páfa vera „þjón djöfulsins“

Páfagarður bannfærir erkibiskup sem sagði Frans páfa vera „þjón djöfulsins“
Pressan
Fyrir 1 viku

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu